Bulliqi: Nuk jam i përjashtuar nga LDK

Përkundër që deputeti i Lidhjes Demokratike të Kosovës (LDK), Shpejtim Bulliqi mendon ndryshe nga kryetari i tij për marrëveshjen e Demarkacionit me Malin e Zi thotë se raportet me partinë i ka të mira.

Bulliqi për lajmi.net, tha se brenda LDK-së nuk ka përçarje dhe se askush nuk ia ndalon të shpreh mendimin e lirë për një çështje të caktuar.

“S’ka përçarje brenda partisë. Janë vetëm mendime të ndryshme nuk janë absolut përçarje, kemi të drejtë legjitime të shprehim mendimin tonë”, ka thënë Bulliqi.

Me tutje, ai tha se është e drejtë e çdo njërit të shpreh mendimin e vet pa qenë i përjashtuar nga partia dhe pa pasur përçarje brenda saj. /Lajmi.net/