Vdes mamia llapjane Sanije Topanica, iu ndihmoi grave në lindje gjatë luftës
Bulliqi i përgjigjet Gecajt: Ti nuk je pjesë e strukturave të LDK’së
Përplasjet brenda deputetëve të LDK’së po vazhdojnë ende, posaçërisht për shkak të qëndrimeve të kundërta rreth Demarkacionit.
Ishte zëvendësministri i Pushtetit Lokal Bajram Gecaj i cili tha në një emision të martën se Bulliqi e ka keqpërdor elektoratin e LDK-së, deri sa në Këshillin e Përgjithshëm të këtij subjekti, nuk votoi kundër këtij demarkimi.
Gecaj tha se është i mendimit që duhet përjashtuar nga LDK, bashkëpartiaku i tij, Shpejtim Bulliqi.
Por për këtë deklaratë të Gecajt Bulliqi tha të mërkurën për Express se nuk e ka të qartë se në emër të kujt po flet Bajram Gecaj, meqë siç tha ai, ky i fundit nuk është strukturë e LDK’së.
“ Unë nuk e kam të qartë se në emër të kujt po flet Bajram Gecaj. Ai nuk është strukturë e LDK’së”, tha Bulliqi.
Ndërkohë i pyetur nëse mund të ndodh një veprim i tillë e që Bulliqi të përjashtohet nga LDK për shkak të qëndrimit të tij për Demarkacionin, ai tha se këtë nuk nuk e di.
Mirëpo një përjashtim të deputetëve kundërshtues brenda LDK’së ishte përmendur edhe nga vetë kryetari i këtij subjekti, Isa Mustafa. Ai kishte kërcënuar ata deputetë që s’e votojnë demarkacionin duke thënë se të njëjtë s’kanë vend në parti.
“Të gjithë deputetët e Lidhjes Demokratike të Kosovës, të cilët po e kundërshtojnë marrëveshjen e demarkacionit me Malin e Zi, nuk do kenë mundësinë që të kërkojnë më besimin e qytetarëve për të qenë deputet të LDK’së” kishte thënë Mustafa e që aludonte në ata deputetë të cilët tashmë kishin shprehur pikëpamjet e tyre për demarkacion./GazetaExpress/
