Bulliqi e Iusfi edhe njëherë me fakte flasin për demarkacionin!

Dy nga ekspertët të cilët në vazhdimësi po e kundërshtojnë demarkacionin me Malin e Zi, kanë reaguar pas fyerje e kërcënimeve që u janë bërë.

Ata në një shënim në Facebook me fakte kanë paraqitur territorin që Kosova e humb nga shënjimi i kufirit me Malin e Zi, raporton gazeta Blic.

Shënimi i plotë:

Përgjigje ndaj fyerjeve, shantazheve, kërcënimeve dhe etiketimeve

 Përgjigje me fakte në formën e një problemi matematikor lehtë të zgjidhshëm, ndaj fyerjeve, shantazheve, kërcënimeve dhe etiketimeve.
Fakt: Të dy shtetet (Mali i Zi dhe Kosova) shtrihen në një territor të përgjithshëm prej T=24787.69 km2.
Problemi: Nëse nga kjo shumë zbritet sipërfaqja zyrtare e Malit të Zi (MN1=13812 km2) mbetet sipërfaqe prej 10975.69 km2, ndërsa nëse nga sipërfaqja e mbetur zbritet sipërfaqja e Kosovës bazuar në vendimin e djeshëm të qeverisë së Kosovës (KS=10905.25 km2) mbetet një sipërfaqe prej 70.44 km2. Veprim matematikor i thjeshtë, por problem shumë i madh! Kujt t’i takoj kjo sipërfaqe? Kush të përvetësoj këtë sipërfaqe?
Zgjidhja: Nëse nga sipërfaqja reale e Malit të Zi (MN1) zbritet sipërfaqja e dy vendbanimeve që në vitin 1949 janë shkëputur nga Mali i Zi dhe janë bashkangjitur Bosnjës dhe Hercegovinës, rezultati do të jetë më i saktë. Malit të Zi i mbetet sipërfaqe prej MN2=13800.84 km2. Nëse këtë vlerë të sipërfaqes së Malit të Zi (MN2) e zbresim nga sipërfaqja e përgjithshëm e dy shteteve (T=24787.69 km2) mbeten 10986.85 km2. Nëse nga kjo mbetje zbritet shifra e sipërfaqes së Kosovës (KS) mbetet sipërfaqe prej 81.6 km2. Veprim matematikor i thjeshtë, por problem shumë i madh! Kujt t’i takoj kjo sipërfaqe? Kush të përvetësoj këtë sipërfaqe?
Dhe për fund, secili qytetar i vendit ka obligim: “… ask not what your country can do for you, ask what you can do for your country” – John F.Kennedy
F.I. & Sh.B.