Sot gjatë ditës Kryetari i Komunës, Shpejtim Bulliqi i shoqëruar nga Drejtori i Urbanizmit Leutrim Krasniqi dhe Drejtori i Shërbimeve Publike, Bahri Selimi kanë përcjellur punimet të cilat po zhvillohen në asfaltimin e rrugëve dhe rrugicave në fshatin Gllamnik, thuhet në njoftimin e komunës, transmeton PodujevaPRESS.net
Në njoftim thuhet se krahas asfaltimeve në Gllamnik, punime në ndërtimin e rrugëve po bëhen edhe në lagjet e qytetit dhe fshatra tjera të komunës si në fshatin Bradash, Dobratin, Konushec, Bajqinë dhe Revuçë.
Kryetari Bulliqi i uroj banorët e këtyre fshatrave për realizimin e projekteve kapitale, si dhe njoftoi banorët se Komuna do të vazhdojë me investime të tjera gjatë viteve vijuese, të cilat ndikojnë në përmirësimin e jetesës së tyre, përfundon njoftimi
