Besnik Tahiri prezenton sot një aderim të ri në AAK-në e Podujevës

Kandidati për kryetar të Podujevës nga radhët e AAK-së Besnik Tahiri ka prezentuar sot aderimin e ri në këtë subjekt politk, transmeton PodujevaPRESS.net

Ai ka prezentuar Lirie M. Hotin nga Bradashi i Podujevës,studente e magjistraturës në Lund Universitetit të Suedisë.

Ky është njoftimi:

Lirie Hoti, ka lindur në Bradash, është studente e magjistraturës në Lund Universitetit të Suedisë, përfituese e Bursës së Institutit Suedez. Ajo është profesoreshë e gjuhës angleze e diplomuar me notën mesatare 10-të, si dhe është në vitin e fundit në Juridik, po ashtu me rezultatet më të larta.

Liria do të jetë pjesë e ekipit, përgjegjëse për marrëdhënie me jashtë ‘City to City Cooperation’ si dhe kandidate për asamble komunale.

Lirie Hoti ka marrë pjesë nëpër disa konferenca dhe gara të rëndësishme ndërkombëtare, si garën për Ndërmjetësim në Lituani dhe konferencën ndërkombëtare ( Harvard National Model United Nation) të mbajtur në Harvard University në shkurt të këtij viti. Fal saj, dhe ekipit që ajo ka udhehequr, Kosova hyri në finale dhe mori çmimin e garës.

Liria, është tregim i sukseshëm jo vetëm për komunën tonë, por për gjithë vendin dhe më gjerë.

Mirë se u bashkove!