Asambleisti i PDK-së: Veprimet e fundit po tregojnë se qeverisja e VV-së në Podujevë nuk po dallon nga ajo e kaluara

Komuna e Podujevës kthen në pozitë zyrtarin që VV-ja e akuzoi për keqpërdorim

Dikur e kishin akuzuar për kurdisje të tenderëve, por me të ardhur në pushtet Vetëvendosje në Podujevë e ka kthyer në krye të prokurimit publik Rasim Fejzën.

Ndaj të njëjtit, në tetor të vitit të kaluar, zyrtarët e VV-së kanë ushtruar edhe kallëzim penal në Prokurorinë Themelore të Prishtinës.

Atëkohë sekretari i kësaj partie, tani drejtor i Administratës komunale, Bahri Selimi, e akuzonte Fejzën për shkelje flagrante të Kodit etik dhe Ligjit për Prokurimin Publik.

Fejza nuk ka dashur të flasë para kamerës, por përmes telefonit ka konfirmuar se është kthyer në pozitën si shef i Prokurimit dhe se nga ish-qeveria e LDK-së ishte transferuar përkohësisht në Drejtorinë e Shërbimeve Publike.

E pikërisht për këtë ka reaguar asambleisti i PDK-së Bashkim Syla i cili ka thënë se veprimet e fundit të bëra nga qeverisja e Shpejtim Bulliqit nuk dallojnë nga qeveria e kaluar e udhëhequr nga LDK-ja e drejtuar nga Agim Veliu.

Syla ka thënë se ““Qeveria e ndryshimit “ paska kthyer në poziten e prokurimit zyrtarin ,Rasim Fejza i cili është ndëgjuar në video incizime duke bërë kurdisje të tenderve , duke punësuar njerzë pa konkursë.Me këto veprime jo që nuk jeni Qeveri e ndryshimit , jeni vazhdimsi e keq Qeverisjes në komunen tone” ka shkruar ai.

Ky është postimi i tij: