Arrestohet një 58-vjeçar në Podujevë për “vrasje në tentativë”

Policia e Kosovës ka arrestuar një person në Podujevë të mërkurën, me dyshimin se ka kryer veprën penale vrasje në tentativë.

Sipas njoftimit, i dyshuari me inicialet B.S., ka kryer veprën penale në fjalë në fshatin Bajqinë.

Pas arrestimit të 58-vjeçarit, në cilësinë e provave të materiale janë sekuestruar një revole, një gëzhojë dhe mjete të tjera të forta.

“Përderisa policia po punon për zbardhjen e plotë të rrethanave të ngjarjes ndaj të dyshuarit me rekomandimin e prokurorit të shtetit është iniciuar hetim në drejtim të veprës penale ‘Vrasje në Tentativë”, thuhet në njoftim.

Policia shtoi se hetimet po vijojnë.