ARKIVË: A keni ndëgjuar për Mursel Dabinovcin, krahu dhe shoku i Isa Boletinit!

Mursel Dabinovci u lind në Dabinovc të Sanxahkut të Nishit. Ai ishte i biri i Ramë Shihanjës, i njohur për trimërinë e tij në Llap dhe Gallap, njofton PodujevaPRESS.net

Pas shpërnguljes së Madhe të shqiptarëve më 1877/1878, Ramë Shishanja me familje e farefisë u vendos në fshatin Dobratinë të Podujevës. Mursel Dabinovci ishte i etshëm për shkollim por njëkohësisht ndihmonte të atin rreth punëve të blegtorisë.

Më vonë u bë officer i Perandorisë Osmane. Ushtarët e donin dhe e respektonin, ndërsa Murseli me besnikëri i “shërbente babës mbret”. Në këtë kohë askush nuk besonte se çfarë kundërshtari do t’i bëhej më vonë mbretit, mu ky oficer i bindshëm.

Murseli u martua në moshën 30 vjeçare, mirëpo kjo ndikoi mjaft në jetën e tij të mëvonshme. Miqtë i kishte nga Bajgora dhe kjo u bë shkas që të njihej me Isa Boletinin. Fajlët bindësi të Isës me vështirësisë i ndryshuan qëndrimet e Murselit për “Babën mbret”.

Më pas Isa Boletini nuk ngurronte të thoshte dhe të deklarohej haptas se në Llap ishte Mursel Dabinovci shok e krahu i tij. Takimet e Isës me Murselin u shpeshtuan dhe këto takime ndikuan në orientimin e paluhatshëm të Mursel Dabinovcit i cili përkrahte dhe propagandonte Lëvizjen për Liri kombëtare.

Mursel Dabinovci u vra më 1912 në luftën kundër ushtrisë së Mbretërisë së Serbisë në mbrojtje të atdheut./PodujevaPRESS/

Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU

(Redaksia e portalit informativ PodujevaPRESS ka përmbledhur pjesë të shkrimeve për jetën dhe të kaluarën e banorëve të Podujevës nga punime të ndryshme shkencore. Qëllimi i këtij shkrimi është të dalin në dritë informata për rajonin e Llapit dhe brezat e rinj llapjanë të din më shumë për banorët e kësaj treve, historinë dhe transformimet e shoqërisë në këtë rajon).

© PodujevaPRESS. Të gjitha të drejtat janë të rezervuara