Arkivë: A e dini historinë e llogos që mbanë komuna e Podujevës (Foto)

Logoja zyrtare e komunës së Podujevës, për të gjithë ju që deri më tani se keni ditur se çka në fakt pasqyron, është Mozaiku i Orfeut, transmeton PodujevaPRESS.net

Në vitin 1984 gjatë punime Ymer Islami nga fshati Gllamnik has një dysheme të shtruar me mozaik dhe i njofton organet kompetente të Muzeut të Kosovës.

Mozaiku i Orfeut është me diameter (88x104cm), në të cilin është paraqitur figura e Orfeut të ulur në të majtë, i cili në njërën dorë mban lirën e në tjetrën zogun, ndërsa përreth janë të paraqitura atributet e tij: luani, shpendi, leopardi, pema dhe gjarpri.

Për shkak të pamundësisë për prezantimin e tij në vendgjetje dhe rrezikimit nga dëmtimi i mëtejmë, në vitin 1986 është bërë konservimi i dhe zhvendosja e tij dhe tash është i vendosur në Muzeun e Kosovës si eksponat i përhershëm statik.

Ky artefakt dëshmon se Gllaminku i sotëm, është një ndër vendbanimet më të lashta, ndërsa përshkrimet për të i hasim që nga  (shekulli II i erës sonë), ndërsa njihej me emrin VENDENIS./PodujevaPRESS.net/

Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU

© PodujevaPRESS. Të gjitha të drejtat janë të rezervuara