Arben Gashi thotë se LDK nuk i druhet zgjedhjeve të parakohshme
Dalja në teren e zyrtarëve partiak po shihet si indaktor se vendi po rrëshqet drejt zgjedhjeve të parakohshme.
Më së shumti një proces zgjedhor po e kundërshton Lidhja Demokratike e Kosovës, e cila për herë të parë pas luftës po udhëheq me Ekzekutivin.
E, për këtë në LDK kanë një arsye.
Deputeti Arben Gashi ka hedhur poshtë zërat se partia e Isa Mustafës po i druhet zgjedhjeve të parakohshme. LDK, sipas tij, po i vlerëson të panevojshme organizimin para kohe të zgjedhjeve.
“Askush nuk mund t’i pengoj zgjedhjet, ato nuk pengohen. Nëse ka vullnet me u mbajte ato mbahen. Por, me sa po shoh LDK po i vlerëson të panevojshme shkuarjen në zgjedhje të parakohshme. Megjithatë, nëse partneret e koalicionit duan, atëherë mund të shkohet në zgjedhje”, ka thënë Gashi për ‘Indeksonline’.
Zyrtari i LDK-së, thotë se është vështire të parashikohet, nëse Qeveria e ardhshme do t’i ipte epilog temave të mëdha.
“Temat e mëdha nuk tejkalohen nëse shkohet në zgjedhje, ato ngecin aty. Përderisa një qeveri e madhe si PDK LDK nuk i jep epilog, atëherë kush do qe vjen tjetër do ta ketë me vështire”, ka shtuar ai.
Sa i përket çështjes se asociacionit, deputeti i LDK-së thotë se këtë çështje duhet ta zgjidhe Qeveria dhe nuk ka të bëjë asgjë me Kuvendin. Ndërsa për Ushtrinë dhe Demarkacionin ka thënë se kalohen vetëm me konsensus nacional.
“Demarkacioni dhe Ushtria janë dy tema të rëndësishme të cilat duhet të trajtohen me kujdes dhe mendoj se pa konsensus nacional këto dy tema nuk kalojnë”, ka shtuar ai.
Opozita dhe një pjesë e PDK-së janë deklaruar pro zgjedhjeve të parakohshme. Ndërsa, mediat kanë përmendur edhe muaj si maji apo qershori koha kur do të organizohen zgjedhjet e parakohshme./Indeksonline/L.B
