Analisti politik, Faton Abdullahu zbulon mashtrimin e madh të LDK’së dhe VV’së

Analisti i njohur politik, Faton Abdullahu, ka zbuluar ‘mashtrimin’ e madh të dy partive që assesi nuk po merren vesh. Sipas tij, Vetëvendosje ka premtuar tëp amundurat, tash realiteti po e ndëshkon mungesën e sinqeritetit të tyre, teksa për LDK’në, thotë se partia duhet të reformohet para se të merr pushtetin, shkruan Gazeta Metro.

Përmes një shkrimi të publikuar së fundi në rrjetin social Facebook, Abdullahu ka thënë se të dyja këto parti nuk kanë qenë të sinqerta me qytetarët e Kosovës, dhe nuk mund të jenë as me njëra-tjetrën.

“Mandej LV qëllimshëm, ka premtuar të pamundurat si të arritshme të domosdoshme, vetëm për ti fituar kështu votat, sidomos të atyre qytetarëve që ishin në hall të madh për mbijetesë e jetë dinjitoze. Tash realiteti ua ndëshkon populizmin dhe mungesën e sinqeritetit me pamundësi për të ‘ardh dita’”, ka thënë Abdullahu.

Tutje, ai ka shtuar se LDK ka qenë e njëtrajtshme politikisht, dhe se nuk mund t’i ofrojë qytetarëve zgjidhje, kur atë nuk e ka brenda thelbit të saj.

Shkrimi i plotë i analistit politik:

Mashtrimi i madh

Edhe LV edhe LDK kanë qenë të pasinqerta me qytetarin e Kosovës, prandaj nuk mund të jenë ndryshe as me njëra tjetrën.

LV, ka qenë vazhdimisht populiste e cila e ka paraqitur të keqen e madhe si stërkeqje tragjike, vetëm për ta justifikuar sulmin ndaj oponentëve politik e cila shpesh ishte në diskrapancë me masën e nevojshme pragmatike për ta ndalur të keqen. Mandej LV qëllimshëm, ka premtuar të pamundurat si të arritshme të domosdoshme, vetëm për ti fituar kështu votat, sidomos të atyre qytetarëve që ishin në hall të madh për mbijetesë e jetë dinjitoze. Tash realiteti ua ndëshkon populizmin dhe mungesën e sinqeritetit me pamundësi për të ‘ardh dita’.

LDK, ka qenë vazhdimisht e njëtrajtshme politikisht, me çka hezitimin e ka shitur për urëti, kurse mungesën e dijes për të ofruar ndryshime e ka kamufluar kinse me pamundësi që kjo të bëhet me rrugë institucionaliste. Ajo i ka ofruar në zgjedhje qytetarëve, atë që nuk e ka pas brenda thelbit të saj, reformën dhe mendimin e guximshëm. Kjo ka qenë e mundshme vetëm me mashtrim optik politik. Para se ndryshimet dhe reformat të ndodhin në strukturat e LDK-së ato nuk mund të ndodhin kur partia e merr qeverinë. Partia duhet të reformohet para se ta marr pushtetin, përndryshe nuk i ‘Beso’n as vetes, as të tjerëve./gazetametro/