Aksidenti me fatalitet në Podujevë, një muaj paraburgim për shoferin e autobusit

Podujevë – Gjykata Themelore në Prishtinë – Dega në Podujevë, Departamenti i Përgjithshëm Penal ka aprovuar kërkesën e Prokurorisë Themelore në Prishtinë, duke ia caktuar masën e paraburgimit në kohëzgjatje prej 30 ditësh, të pandehurit F.I për shkak të dyshimit të bazuar se ka kryer veprën penale “Rrezikim i trafikut publik”.

Lajmi u bë i ditur përmes një komunikate nga kjo gjykatë, ku thuhet se vendimin e mori gjyqtari i procedurës paraprake, raporton “Betimi për Drejtësi”.

Tutje thuhet se të pandehurit iu caktua masa e paraburgimit  në bazë të nenit 187, paragrafi 1, nënparagrafi 1.1 dhe nënparagrafi 1.2 pika 1.2.2 dhe 1.2.3 të KPPRK-së.

“Gjykata me rastin e caktimit të paraburgimit ka vlerësuar se nëse i pandehurit F.I gjendet në liri ekziston rreziku se i njëjti mund ti asgjësojë, fsheh, ndryshoj apo falsifikoj provat e veprës penale duke ndikuar në dëshmitarë gjithashtu caktimin e masës së paraburgimit e arsyeton pesha e veprës penale ku si pasojë e aksidentit dy persona kanë ndërruar jetë, andaj masa e paraburgimit është e vetmja masë preventive që të ndikoi te i njëjti në parandalimin e përsëritjes së veprës penale dhe sigurimin e të pandehurit në procedurë dhe zbatimin e suksesshëm të procedurës penale”, thuhet në njoftim.

F.I dyshohet se ka kryer veprën penale “Shkaktim i rrezikut të përgjithshëm” nga neni 370, paragrafi 9 lidhur me paragrafin 6 dhe paragrafin 2 të Kodit Penal të Republikës së Kosovës.

“Ankesa kundër këtij aktvendimi nuk e pezullon ekzekutimin e tij”, thuhet në njoftim.

Ndryshe, në aksidentin që ndodhi mëngjesin e së premtes në Sibovc mes autbusit dhe veturës me targa të huaja, humbën jetën një çift mërgimtar nga Malisheva, ndërsa dy fëmijët e tyre kanë pësuar lëndime dhe po trajtohen në spital. /BetimipërDrejtësi

Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë