Aksident fatal në Podujevë, humbë jetën një femër

Një femër ka vdekur si pasojë e aksidentit që ka ndodhur të shtunën rreth mesnatës në Podujevë.

Policia ka njoftuar sot se trupi i pajetë i viktimës është dërguar në obduksion ndërsa në lidhje me aksidentin, një person është arrestuar.

“Të shtunën, në orën 22 e 25 minuta, në Podujevë, ka ndodhur një aksident trafiku, ku të përfshira kanë qenë dy automjete me drejtues meshkuj kosovarë. Si pasojë e aksidentit janë lënduar dy drejtuesit e automjeteve si dhe katër pasagjerët, të cilët janë dërguar për tretman mjekësor në QKUK. Nga plagët e shkaktuara ka ndërruar jetë viktima femër kosovare. Me urdhër të prokurorit kujdestar, trupi i pajetë i viktimës dërgohet për obduksion, ndërsa i dyshuari dërgohet në mbajtje.”, thuhet në raportin e policisë.