AKR merr vendim të madh në këto momente!

Ministria e Bujqësisë do t’i takojë Listës Serbe e jo AKR-së.

Klan Kosova mëson nga burimet e saj se AKR-ja ka hequr dorë nga kjo Ministri dhe ia ka dhënë Listës Serbe.

Ishte pikërisht kjo Ministri që po e kërkonte Lista Serbe që bëri që gjatë gjithë ditë së sotme të zhvillohej një takim maratonik mes krerëve të PAN-it, Agim Bahtirit të AKR-së dhe kreut të Listës Serbe, Goran Rakiq.

Kjo Ministri fillimisht i ishte dhënë Listës Serbe nga koalicioni PAN, por gjërat ndryshuan pas nënshkrimit të marrëveshjes mes këtij koalicioni dhe AKR-së, ku kjo Ministri i takoi më pas kësaj të fundit.

Por ishte Lista Serbe që nuk pranonte të bëhej kompromis lidhur me këtë dikaster qeveritar dhe duket se bëri kështu që AKR-ja të dorëzohet.

Në ndërkohë, në zyrën e Presidentit të vendit është duke u zhvilluar një takim mes krerëve të PAN-it dhe vetë presidentit Hashim Thaçi ku po diskutohet lidhur me datën e mundshme të caktimit të seancës konstituive të Kuvendit të Kosovës.