Kosova kalon votimin në Komitetin e Asamblesë Parlamentare të KiE
Agjentët e DEA’s amerikane arrijnë në Shqipëri për kokainën
Katër agjentë të DEA-s kanë mbërritur në portin e Durrësit ku më 27 shkurt u sekuestrua ngarkesa me 613 kg kokainë.
Ekspertët mendohet se po shqyrtojnë gjithçka që nga mbërritja, vonesat, ndalimi i personave dhe sekuestrimi i kokainës
Mësohet se agjentët specialë kanë kontrolluar mënyrën e procedimit të Agjencive në Portin e Durrësit në lidhje me hetimin e kokainës.
Qendra e antidrogës amerikane që mbulon rajonin e Ballkanit është në Athinë.
Të pajisur me pasaportë diplomatike ata kanë hyrë në Shqipëri nga Pika Kufitare e Kakavijës.
Për ngarkesën me 613 kg kokainë, e cila ishte fshehur në dopio- dysheme në kontenierin me banane, e cila kishte mbërritur në portin e Durrësit më 19 shkurt, është shpallur në kërkim pronari i “Arbri Garden”, Arbër Çekaj, në magazinat e të cilës u kontrollua dhe zbulua ngarkesa me kokainë.
Ndërkohë janë arrestuar menaxheri dhe shoferi i kësaj kompanie.
Gjykata e Krimeve të Rënda vendosi më 2 mars që shoferi Armando Pezaku dhe menaxheri Donald Lushaj do të qëndrojnë në burg deri në përfundim të hetimit.
Sot ndaj këtij vendimi është apeluar.