Kryetari Agim Veliu para pak qastesh ka lëshuar qëndrimin zyrtar për gjendjen e krijuar në komunën e Podujevës pas reshjeve të borës.
Kryetari Agim Veliu në teren ka dalë së bashku me drejtorin e Sherbimeve Publike Faik Muçiçi. Kryetari Veliu ka bërë me dije se ka kërkuar nga kompania e kontraktuar që të rris kapacitete në rast nevoje.
Postimi i tij i plotë në facebook:
Sot, bashkë me drejtorin e Shërbimeve Publike, vizituam disa lokalitete për të parë nga afër gjendjen e krijuar nga reshjet e borës.
Kompania e kontraktuar për mirëmbajtën e rrugëve gjatë dimrit me mekanizmin e saj vazhdimisht është në teren dhe po bën hapjen e rrugëve, të cilat kryesisht janë mbyllur nga orteqet si pasojë e bartjes së borës nga erërat e forta.
Prioritet në mirëmbajtjen e rrugëve i kemi dhënë qasjes në institucionet shëndetësore, pacientëve me hemodializë dhe rasteve të ndryshme emergjente.
Ndërsa, me qëllim të menaxhimit të situatës, kam ngritur edhe Shtabin Emergjent Komunal, kurse nga kompania për mirëmbajtjen e rrugëve kam kërkuar angazhim të kapaciteteve shtesë, në rast nevoje. A.V.
