Kurti paralajmëron nga Berlini zgjidhje për Asociacionin dhe votim për lejimin e
A u pajtuan dy asambleistët që sot u rrahën mes vete? Sekretari i VV-së e poston foton pastaj e largon
Sot ka ndodhur një përleshje mes dy asamblistëve të VV-së në afërsi të objektit të komunës së Podujevës, Ragip Fetahut dhe Artrit Mulliqit. Këtë rast e kanë konfirmuar nga Policia e Kosovës, ndërsa nga Prokuroria në Prishtinë thanë se kanë nisur hetimet për “Lëndim të lehtë trupor”, transmeton PodujevaPRESS.net
Në mbrëmje Lëvizja Vetëvendosje në Podujevë ka lëshuar një komunikat për media ku tregonë se “Lëvizja VETËVENDOSJE! – Qendra në Besianë shpreh keqardhje për këtë situatë të pakëndshme që ka ndodhur dhe shqetësimet e krijuara tek anëtarësia e Lëvizjes dhe qytetarët e Podujevës”.
E komunikatën e njëjt e ka postua edhe sekretari i VV-së Bahri Selimi duke ja bashkangjitur edhe një foto nga takimi i Shpejtim Bulliqit, Haki Rudarit, fahri Balaj dhe Bahri Selimi si dhe dy protagonistët e rrahjes së sotme Artrit Mulliqi dhe Ragip Fetahu.
Por pas pak minutave Selimi ka larguar këtë postim, të cilin e posedon PodujevaPRESS.net
Kjo është komunikata e VV-së lidhur me ngjarjen e sotme:
Qendra e Lëvizjes VETËVENDOSJE! në Podujevë ka mbajtur sot mbledhjen me kryesinë e Qendrës dhe grupin e këshilltarëve komunal të Lëvizjes VETËVENDOSJE!, me ç’rast kemi diskutuar edhe për incidentin që ka ndodhur sot para objektit komunal.
Lëvizja VETËVENDOSJE! – Qendra në Besianë shpreh keqardhje për këtë situatë të pakëndshme që ka ndodhur dhe shqetësimet e krijuara tek anëtarësia e Lëvizjes dhe qytetarët e Podujevës.
Pas trajtimit të rastit dhe ballafaqimit me këtë situatë të krijuar, problemi dhe secila mosmarrëveshje u tejkalua. Lëvizja VETËVENDOSJE! në Podujevë do të vazhdojë me fuqinë dhe energjinë e saj që reformat përveç brenda Lëvizjes sonë nuk do të ndalen as në komunë për të cilat kemi marrë besimin qytetarë.