A po shtiren nxënësit në Podujevë si të sëmurë për t’i shpëtuar testeve?

Një nxënese e gjimnazit Aleksandër Xhuvani në Podujevë sot rreth orës 15:50 iu është përkeqësuar gjendja shëndetësore  me ç’rast është dashur të intervenoi ambulanca e qytetit.

Zv. Drejtoresha e SHML Aleksandër Xhuvani Fatmire Fusha ka konfirmuar për Llapi.info se ambulanca ka ardhur dhe ka marrë një nxënëse të kësaj shkolle, por ka mohuar se ajo është alivanosur shkruan Llapi.info.

Sipas Fushës, disa nxënës kohës së fundit, po e përdorin këtë metodë për të ikur nga ndonjë test, apo për t’i shprehur pa knaqësitë për notat e tyre.

Nga ana tjetër, shefi i ndërrimit në emergjencën në Podujevë, Istref Plakolli nuk ka dashur të prononcohet për rastin nën pretekstin se janë gjëra personale të saj. Edhe pas insistimit të gazetarit të Llapi.info për të marrë një përgjigjie ai nuk ka pranuar të flas për medie.

Megjithatë, nga drejtoria e shkollës kanë pranuar se raste të tilla ku nxënësit po shtiren si të sëmurë kohës së fundit po ndodhin shpesh.