A e lejon ligji organizimin e zgjedhjeve lokale para kohe?

Mandati i kryetarëve aktual në komunat e Kosovës, zyrtarisht përfundon në vjeshtë të këtij viti.

Por, ideja qe zgjedhjet lokale dhe ato qendrore të mbahen bashkërisht në pranverë ose verën e këtij viti do t’i shkurtonte mandatin kryetareve aktual të komunave.

Mazllum Baraliu, profesor universitar dhe njohës i çështjeve kushtetuese, thotë se ligji nuk e pengon organizimin e zgjedhjeve lokale me herët. Por, për këtë, sipas tij, kërkohet konsensus mes spektrit politikë.

“Ligji lejon mundësinë e organizimit varësisht nga rrethanat e krijuar në vend. Megjithatë, duhet të ketë pajtueshmëri mes subjekteve politike në Kosovë qe edhe zgjedhjet e përgjithshme dhe ato të nivelit lokal të mund të organizohen para kohë”, ka thënë Baraliu për ‘indeksonline’.

Ish kryeshefi ekzekutiv i KQZ-së, vlerëson se organizimi i zgjedhjeve bashkërisht do të ishte vendim racional dhe organizimi i tyre do të kushtonte më lirë buxhetit të vendit.

“Ky është opsioni më i përshtatshëm, sepse në radhe të parë  për të organizuar një cikël të rregull të suksesshëm të zgjedhjeve veçanërisht të atyre qendrore lypsen të paktën gjashtë muaj përgatitje dhe kjo do të ishte me ekonomike”, ka shtuar ai.

Ai ka përmendur një serë faktorësh pse vendi duhet shkuar në zgjidhje të parakohshme në nivel qendror.

“Gjendje e krijuar për kaç vite mes pozitës dhe opozitës , pastaj grumbullimi i shume problemeve dhe kontestohemi i legjitimitetit të partive në pushtet janë disa nga arsyet pse qytetarët duhet t’u drejtohen kutive të votimit”, ka theksuar Baraliu.

Një proces i ri zgjedhor, sipas tij, do të ishte i shëndetshëm për skenën politike në Kosovë.

Opozita tash e sa kohë po kërkon zgjedhje të parakohshme, opozitaret nuk e kundërshtojnë idenë për organizimin e zgjedhjeve në pako. Në anën tjetër, LDK insiston në respektim të cikleve zgjedhore./Indeksonline/