A do ta marr PDK-ja kryesuesin e Kuvendit Komunal në Podujevë?!

Komuna e Podujevës e cila nga data 29 nëntor udhëhiqet nga Shpejtim Bulliqi i cili fitojë me 52% të votave nuk ka arritur ende ti ketë edhe numrat në asamblenë komunale, njofton portali PodujevaPRESS.net

Burimet e PodujevaPRESS tregojnë se kanë filluar negociatat mes Shpejtim Bulliqit dhe Partisë Demokratike të Kosovës dega në Podujevë për të bërë një marrëveshje me këtë subjekt politik, duke i ofruar kryesuesin e kuvendit.

Pas kalimit të asambleistit Patriot Rudari nga AAK-ja në Vetëvendosje, po ashtu edhe asambleisti i Partisë së Drejtësisë i është bashkuar grupit parlamentar të VV-së, burimet tona tregojnë se edhe kryetarja e AAK-së Mrika Thaçi ka bërë një marrëveshje me VV-në, konkretisht me kryetarin e komunës. Gjithashtu edhe asamblesiti i Ballit Kombëtar Demokrat thuhet se do ti përkrah të gjitha projektet që janë në të mirën e qytetit. Ditë më parë edhe Bahri Blakçori ka aderuar nga LDK në Vetëvendosje.

Por prap se prap nevoiten 18 vota nga 35 asambleistë sa ka gjithsejt komuna e Podujevës për të zgjedhur edhe kryesuesin i cili tani për tani është pozitë që e mban Fatmir Gashi i LDK-së.

Pikërisht për këtë nevoiten edhe 6 votat e PDK-së, e siç tregojnë burimet tona veçse në parim janë dakorduar.

Disa burimet tona kanë treguar se gjatë muajit Mars pritet edhe shkarkimi i Fatmir Gashit dhe emrimi i kandidatit të PDK-së në këtë pozitë. Rezistencë ndaj këtij propozimi ka nga disa asambleistë të Lëvizjes Vetëvendosje të cilët janë kundër këtij “koalicioni” me PDK-në./PodujevaPRESS.net/