Përshëndetet veprimi i Ramiz Lladrovcit (Video)

Pas ankesave të qytetarëve të Komoranit për mosrespektim të standardeve të punimeve në një rrugë, kryetari i Komunës së Drenasit, Ramiz Lladrovci me bashkëpunëtorë kishte ndaluar menjëherë punimet.

Tri ditë më vonë, Lladrovci kishte dalë sërish në terren për të marr mostrat e rrugës së shtruar me zhavorr. Madje përdori edhe kazmën për të parë se si kishte punuar kompania kontraktuese.

Ky veprim i Lladrovcit është përshëndetur menjëherë edhe nga qytetarët e Drenasit dhe opozita e kësaj komune, raporton Indeksonline.

Asamblisti Xhavit Drenori i cili së fundi ishte edhe kandidat për kryetar të Drenasit ka thënë se i është bërë zemra mal kur e ka parë kryetarin me mjetin e punës në dorë dhe që nuk lëshonte pe fare karshi punëkryesit, i cili me gjasë ishte zënë në flagrancë duke punuar jashtë paramasave (tenderit).

“Me vete thashë: mbi 70% e punimeve që kemi vizituar këto dy vitet e fundit i kemi hasur duke punuar jashtë çdo standardi, por kot, nuk arritëm asnjëherë të ndalojmë këtë formë të korrupsionit (hajnisë direkte) të parasë së qytetarëve”, ka thënë Drenori.

Edhe Lëvizja Vetëvendosje në Drenas e përshëndetë aktivitetin e kryetarit Lladrovci, lidhur me mbikëqyrjen dhe inspektimin e punëve në një nga projektet e rrugëve.

“Shpresojmë që këto aktivitete mos të bëhen vetëm sa për sy e faqe”, thonë në VV-në e Drenasit.

Lladrovci ka theksuar se për kryerjen e punëve në terren për realizimin e projekteve të parapara, do të jetë i pakompromis me operatorët ekonomik, që nëse nuk i kryejnë punimet sipas paramasave dhe kontratave do ju ndërpriten punimet.

“Ne Komunën e Drenasit nuk do të lejojë asnjë punim jashtë paramasave dhe jashtë standardeve të nënshkruara në kontratë. Mua nuk me interesojnë çmimet se sa kushton një projekt, mua me intereson cilësia e punimeve që i ka të parapara me kontratë. Kërkojë bashkëpunimin e secilit qytetarë të Komunës së Drenasit që të na e lehtësojnë punët ne realizimin e projekteve, ne do i përjcjellim secilit qytetarë që kërkon paramasat dhe parallogari, pasi që me takspapaguesit e tyre edhe kryhen këto investime”, ka thënë kryetari Lladrovci.

Veprimi i Lladrovcit është shembull që duhet ndjekur edhe nga kryetarët e komunave tjera të Kosovës, pasi që dihet se njëri ndër problemet më të mëdha në infrastrukturë është shtrimi i rrugëve jashtë çdo standardi./Indeksonline/