Merkel vizitë në Uashington, paralajmëron Trumpin për ekonominë

Kancelarja gjermane, Angela Merkel, gjatë javës që vjen do të zhvillojë vizitë zyrtare në Uashington, ku pritet ta paralajmërojë Presidentin amerikan, Donald Trump, për pasojat e mundshme të izolimit të ekonomisë së Shteteve të Bashkuara dhe futjen e tarifave të veçanta të mallrave nga Bashkimi Evropian, raportojnë sot mediat gjermane.

Trump ka bërë të ditur se do ta fuqizojë ekonominë amerikane, duke pretenduar hapjen e vendeve të reja të punës, ndërsa ka paralajmëruar rishikimin e marrëdhënieve ekonomike me vendet evropiane dhe në veçanti me Kinën.

Zyrtarë gjermanë, pas deklarimeve të Presidentin amerikan, kanë paralajmëruar orientimin e ekonomisë gjermane drejtë tregjeve të reja aziatike.