Zgjedhjet në Podujevë: Sa vota morën partitë këtë herë dhe sa në dhjetor? (Të gjitha shifrat dhe dallimet)

Pas përpunimit të pothuajse të gjitha vendvotimeve në Komunën e Podujevës nga ana e KQZ-së, tashmë është e qartë pasqyra e saktë se sa vota kanë fituar subjektet kryesore politike në zgjedhjet e 7 qershorit 2026, në krahasim me ato të 28 dhjetorit 2025.

Nëse krahasohen numrat direkt, shihet një rënie e madhe e mbështetjes me vota të vlefshme, ku tri partitë kryesore (VV, LDK dhe PDK) së bashku kanë humbur mbi 14 mijë votues brenda gjashtë muajsh.

Më poshtë sjellim bilancin e plotë për secilën parti: sa morën atëherë, sa morën tani dhe cili është dallimi i saktë në vota:

 Lëvizja VETËVENDOSJE! (LVV)

Këtë herë ka marrë 15,671 vota (52.52%). Në zgjedhjet e kaluara të 28 dhjetorit kishte siguruar 27,695 vota (61.98%). Dallimi është një humbje drastike prej 12,024 votash më pak për këtë subjekt.

 Lidhja Demokratike e Kosovës (LDK)

Në këto zgjedhje ka siguruar 8,044 vota (26.96%). Në dhjetor të vitit të kaluar, LDK kishte 9,259 vota (20.72%). Dallimi tregon se ky subjekt ka pësuar rënie prej 1,215 votash më pak, ndonëse përqindja e saj duket më e lartë për shkak të daljes së ulët në votime.

 Partia Demokratike e Kosovës (PDK)

Ka tubuar gjithsej 4,792 vota (16.06%) në këtë proces elektoral. Gjashtë muaj më parë, PDK kishte arritur të merrte 6,190 vota (13.85%). Dallimi për këtë parti është 1,398 vota më pak.

 Aleanca për Ardhmërinë e Kosovës (AAK)

Është i vetmi subjekt që ka shënuar një lëvizje të vogël pozitive në numra, duke marrë 850 vota (2.85%) krahasuar me 802 vota (1.79%) sa kishte në dhjetor. Dallimi është një rritje e lehtë prej 48 votash më shumë.

 Partitë e tjera dhe minoritetet

Të gjitha subjektet e tjera më të vogla së bashku kanë marrë këtë herë 434 vota (1.61%), ndërsa në zgjedhjet e kaluara kishin 743 vota (1.66%), që paraqet një rënie prej 309 votash më pak.

Në përgjithësi, nga 44,689 vota të vlefshme sa numëronte Podujeva në dhjetor 2025, numri i votave të vlefshme këtë herë ka rënë në 29,791 (për subjektet e listuara), duke dëshmuar se humbësi më i madh i këtij procesi mbetet pjesëmarrja e qytetarëve, e cila preku nivele shumë të ulëta.

Kujtojmë se ende nuk ka perfunduar numërimi i votave me kusht dhe ato te diaspores.