Përkrahësi i Vetëvendosjes ironizon: Po të kishte ligje si në Kinë, gjallë do të mbeteshin veç Lushtaku e Bulliqi!

Një postim ironik i aktivistit dhe përkrahësit të Lëvizjes Vetëvendosje, Mentor Llugaliu, ka tërhequr vëmendje në rrjete sociale për komentet e tij drejtuar klasës politike në Kosovë.

Në një reagim në Facebook, Llugaliu ka shpërndarë një lajm, ku bëhet fjalë për dënimin me vdekje të ish-ministrit të Bujqësisë në Kinë për ryshfet, duke e shoqëruar me një koment ironik:

“Me pasë kësi ligje Kosova, prej politikanëve të Kosovës gjallë paskan pas me mbetë veç Lushtaku e Bulliqi!”

Postimi i tij ka ngjallur reagime dhe komente të shumta, pasi përmend dy figura të njohura politike – Sami Lushtakun dhe Shpejtim Bulliqin.