Vdes mamia llapjane Sanije Topanica, iu ndihmoi grave në lindje gjatë luftës
Në vitin 2021 Shpejtim Bulliqi i shkruante letër Zemajt: I mashtruat llapjanët për Spitalin e Podujevës |Dokument
Ministri i Shëndetësisë, Arben Vitia, ka shfuqizuar vendimin e vitit 2016 për themelimin e spitalit të Podujevës.
Sipas rekomandimeve të një grupi punues, kjo komunë duhet të ketë një poliklinikë.
Kështu u bë e ditur sot, më 20.03.2024, në mbledhjen e bordit të Shërbimit Spitalor Klinik e Universitar të Kosovës, nga kryesuesi i bordit, Naim Bardiqi, i cili njëherësh është edhe Sekretar në Ministrinë e Shëndetësisë.
Ministria e Shëndetësisë më 27 tetor 2016 kishte marr vendim për themelimin e Spitalit të Përgjithshëm të Podujevës.
Mirëpo më 23 shkurt 2021 ishte anuluar procedura e tenderimit. E Kjo kishte bërë që të ketë reagim të ashpër ndaj ministrit Armend Zemaj i cili vinte nga radhët e LDK-së.
Bulliqi përmes një postimi kishte bërë të ditur se i ka shkruar letër ministrit të Shëndetësisë, Armend Zemaj dhe drejtorit të ShKSUK-së, Valbon Krasniqi.
Ai në letrën e tij kishte shprehur indinjatën e thellë për anulimin e projektit.
Postimi i plotë i Shpejtim Bulliqit I vitit 2021:
Sot i kam dërguar shkresë zyrtare ministrit në detyrë të Shëndetësisë, z.Armend Zemaj, dhe drejtorit të SHSKUK-së, z.Valbon Krasniqi, ku kam shprehur indinjatën e thellë time dhe të qytetarëve të Komunës së Podujevës për anulimin e projektit për ndërtimin e Spitalit të Përgjithshëm të Podujevës.
Ministri Zemaj muaj më parë në kohë të fushatës elektorale së bashku me ekzekutivin e asaj kohe, në konferencë për media patën prezantuar edhe projektin për Spitalin e Podujevës, por tani Qeveria në detyrë ka anuluar të gjitha procedurat për Spitalin i cili është jashtëzakonisht i nevojshëm për qytetarët e Komunës sonë. Kjo nuk mund të jetë tjetër veçse hakmarrje ndaj qytetarëve të Podujevës për vullnetin e shprehur në mënyrë të lirë e demokratike – me votë, në zgjedhjet komunale të 29 nëntorit.
Kjo është letra e plot:
