Agim Veliu  këmbëngulës për vazhdimin e koalicionit me PDK-në e Kadri Veselit

Për kundër qëndrimeve të bashkëpartiakëve të tij, të cilët edhe për nga funskioni në strukturat e LDK-së janë të barabartë, Veliu është i mendimit dhe e mbron qëndrimin e tij se kaoalicioni për bashkëqeverisje me PDK-në duhet të vazhdojë, njofton PodujevaPRESS.

Nënkryetari i Lidhjes Demokratike të Kosovës (LDK), Agim Veliu, ka hedhur poshtë mundësinë që të ketë zgjedhje të reja edhe nëse Kuvendi i Kosovës nuk e ratifikon marrëveshjen e demarkacionit me Malin e Zi.

“Koalicioni është lidhur mbi bazën e një marrëveshje për një qeverisje të përbashkët dhe nuk është i lidhur me një problematikë. Pra, funksionimi apo prishja e koalicionit qeverisës dhe mbajtja e zgjedhjeve nuk janë të lidhura me çështjen e demarkacionit”, ka deklaruar Veliu për gazetën “Epoka e Re”.

“Kosova duhet ta rregullojë këtë çështje dhe për këtë po bëjnë thirrje edhe miqtë tanë. Pas përfundimit të punës së Komisionit të ekspertëve për matjen e territorit dhe pas mbështetjes së miqve tanë, Qeveria e Kosovës duhet ta procedojë demarkacionin për ratifikim në Kuvend. Nuk e di a do të votohet, por është mirë që çështjet e filluara të ecin tutje, pastaj është vendimi final i deputetëve të Kuvendit të Kosovës”, është shprehur Veliu, duke shtuar se deputetëve nuk po u bëhet presion për ta votuar demarkacionin./PodujevaPRESS/

Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU