Aksident i rëndë në magjistralen Podujevë-Prishtinë, një i vdekur e katër të lënduar

Një aksident mes dy veturave në lëvizje ka ndodhur në fshatin Prugovc të Prishtinës, ku pesë persona pësuan lëndime trupore.

Por, njëri nga ta nuk arriti t’i bëjë ballë plagëve dhe vdiq.

Lajmin e ka konfirmuar zëdhënësja e policisë për rajonin e Prishtinës, Flora Ahmeti.

Ahmeti tha se vdekjen e ka konstatuar ekipi mjekësor në Emergjencën e QKUK-së.

“Me rastin po merret hetuesia nga njësiti i trafikut rrugor”, tha ajo.