“Pajtohen” Bulliqi e Batatina

Sot në ndeshjen e barazhit mes Ferizajt dhe Lirisë së Prizrenit kryetari i Podujevës Shpejtim Bulliqi dhe trajneri i KF Llapit Tahir Batatina ishin së bashku duke shikuar lojën, transmeton PodujevaPRESS.net

Në një debat para pak kohësh Bulliqi kishte thënë se nuk ndan mjete për klubin Llapi pasi siç kishte deklaruar ai, nuk jep pare për Tahir Batatinën, ai e ka shëndërruar KF Llapin në biznes.

I menjëhershëm ka qenë reagimi i trajnerit të Llapit Tahir Batatina i cili kishte thënë se deri më tani kanë investuar miliona për Llapin. Po ashtu reagim kishin edhe vëllezërit e tij që janë financues të klubit, të cilët edhe kishin kërkuar të ja ndalonin hyrjen në stadium Bulliqit, si shenjë paknaqësie që ata kishin me këtë deklaratë.

Por burimet e PodujevaPRESSit kanë treguar se “pajtimi” i tyre ka ndodh pas ardhjes së kreut të FFK-së Agim Ademi në Podujevë para disa ditësh ku u luajt ndeshja për nder të tre ish futbollistëve llapjanë,  Milazim Berisha, Vllaznim Emini dhe Kujtim Aliu, të vrarë në luftën e fundit në Kosovë. Ata pastaj edhe kishin drekuar së bashku në një nga restoranet në fshatin Orllan.

Kurse sot në postimin e tij Shpejtim Bulliqi ka shkruar se “Llapi ishte nikoqir i ndeshjes së barazhit mes Ferizajt dhe Lirisë së Prizrenit në futboll. Ndeshjen në stadiumin “Zahir Pajaziti” e përcollëm bashkë me ministrin Hajrullah Çeku, trajnerin e KF Llapit Tahir Batatina, drejtorin për Kulturë, Rini e Sport, Pajtim Balaj dhe me mijëra tifozë nga dy qytetet e futbolldashësit llapjanë”.