Rrahje mes disa personave në Podujevë, plagoset njëri me armë zjarri

Disa persona janë rrahur mes vete në Podujevë të martën, ndërsa në këtë përleshje është përdorur edhe arma e zjarrit.

Policia e Kosovës ka bërë të ditur se nga arma e zjarrit është plagosur një person dhe është dërguar në tretman mjekësor, ndërsa po ashtu janë lënduar edhe tre persona tjerë. Një person është arrestuar dhe dërguar në mbajtje.

“Në vendin e ngjarjes është konfiskuar një pistoletë, një gëzhojë dhe një shkop druri. Të gjithë të lënduarit pas tretmanit mjekësor janë liruar. Me vendim të prokurorit, një i dyshuari është arrestuar dhe dërguar në mbajtje”, thuhet në raportin e Policisë.