“Liria ka emër” organizon Marsh për drejtësi, nisja e organizuar edhe nga Podujeva

Të dielën, më 2 prill, në Prishtinë, platforma “Liria ka emër”, organizon Marsh qytetar dhe solidarizues në mbështetje të luftës së drejt të UÇK-së dhe ish-krerëve të saj, Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre në Hagë.

Marshi do të niset nga sheshi “Zahir Pajaziti” dhe do të vazhdojë në drejtim të sheshit “Skënderbeu”.

Nisja e organizuar është paralajmëruar edhe nga komuna e Podujevës.

Kryetari i PDK-së në Podujevë i ka thënë PodujevaPRESS-it se dega e PDK-së në këtë qytet është organizatore dhe se nisja do të bëhet me autobusë ditën e diel. Vendi i grumbullimit siç ka treguar zoti Shabani, bëhet mbrapa stadiumit të qytetit në rrugën “Besnik Restelica” nga ora 11:30.
Ai ka ftuar të gjithë qytetarët që ti bashkohen këtij marshi.