E dhimbshme: Gjendet pa shenja jete një burrë në Podujevë, po bënte rojë te fqinjët e tij

Një ngjarje e rëndë ka ndodhur mëngjesin e sotëm në fshatin Dumnicë e Poshtme në Podujevë, ku një burrë është gjetur pa shenja jete, raporton Gazeta Sinjali.

Burimet e Sinjalit brenda Emergjencës së Qendrës Kryesore të Mjekësisë Familjare në Podujevë bëjnë me dije se kanë pranuar thirrje për ndihmë, pasi një person ishte pa ndjenja dhe dyshohet se ishte në rrezik për jetën.

Ekipi mjekësor i Emergjencës kanë dalë menjëherë në vendin e ngjarjes, ku pas ekzaminimeve për shenjat vitale, mjeku ka konstatuar se viktima ka ndërruar jetë.

Ndërkohë lidhur me rastin është njoftuar edhe Policia të cilët kanë dalë në vendin e ngjarjes ku kanë kontaktuar me nipin e të ndjerit. Ai ka bërë të ditur se xhaxhai i tij po bënte rojë për shtëpinë e fqinjëve të tyre dhe kishte fjetur në një kampshtëpizë në oborr.

Trupi i pajetë i viktimës është dërguar në Institutin e Mjekësisë Ligjore për obduksion, ndërsa me urdhër të prokurorit, rasti është cilësuar ‘Hetim i vdekjes’.

Ndërsa janë deklaruar edhe nga Policia e Kosovës.

Policia e Kosovës ka njoftuar se një burrë është gjetur i vdekur në kamp-shtëpizën e tij në Podujevë. Policia po i heton rrethanat e vdekjes.

“Raportohet se viktima mashkull kosovar është gjetur pa shenja jete në kamp-shtëpizën e tij.Mjeku ka konstatuar vdekjen e viktimës.

Me vendim të prokurorit trupi i pa jetë i viktimës është dërguar në Institutin e Mjekësisë Ligjore për

obduksion”, thuhet në raportin e Policisë.