Dy burra raportojnë ne polici se iu kanë humbur gratë e tyre

Policia e Kosovës ka njoftuar se gjatë 24 orëve të fundit ka marrë dy raportimeve, një në Prishtinë e një në Prizren, për zhdukje të dy grave.

Në Prishtinë, një burrë ka raportuar se pas një mosmarrëveshje me gruan më 3 dhjetor, ajo është larguar nga shtëpia dhe nuk di vendndodhjen e saj. Policia po e heton rastin.

Prishtinë 03.12.2022 – 14:00. Ankuesi mashkull kosovar ka njoftuar se pas një mosmarrëveshje me bashkëshorten e tij femër kosovare, e njëjta është larguar nga shtëpia dhe nuk dihet për vendndodhjen e saj. Rasti duke u hetuar”, thuhet në njoftimin e Policisë.

Ndërsa në Prizren një burrë ka raportuar se bashkëshortja e tij është larguar në mëngjesin e 5 dhjetorit dhe nuk di për vendndodhjen e saj.

“Prizren 05.12.2022 – 09:00. Ankuesi mashkull kosovar ka raportuar se bashkëshortja e tij viktima femër kosovare është larguar nga shtëpia dhe nuk kanë njohuri për vend ndodhjen e saj. Rasti në procedurë hetimore”, thuhet në njoftim.