Vetura, telefona, skica e certifikata të pronës – Krejt çka u kap në operacionin ‘Brezovica 6’ në Podujevë

Në vazhdimësinë e aksionit “Brezovica” i cili ishte i gjashti me radhë, të mërkurën u prangosën shtatë persona, në mesin e tyre dy biznesmen nga Podujeva.

Të dyshuarit janë ndaluar në kohëzgjatje prej 48 orësh, për shkak të dyshimit se të njëjtit kanë kryer veprat penale “Marrja e ryshfetit”, “Dhënia e ryshfetit” dhe “Ushtrimi i ndikimit”, ka njoftuar prokuroria.

Gjithashtu, prokuroria ka dhënë detaje se çka është gjetur dhe sekuestruar gjatë kontrollit tek personat e dyshuar, në cilësinë e provave materiale.

Gjatë realizimit të kontrollit te i dyshuari G. S. në 2 (dy) lokacionet, në cilësi të provave materiale janë gjetur dhe sekuestruar këto deshmi:

Një veturë Mercedes Benz S500,

Një veturë Toyota Land Cruiser,

Një Librezë e veturës ,

Një Librezë e veturës ,

Një Telefon Iphone 12 Mini ,

Një shtëpizë e kompjuterit HP, ngjyre e zezë,

Ndërsa në shtëpinë e dy të dyshuarve G. S. dhe S. S. gjatë kontrollit në cilësinë e provave materiale janë gjetur dhe sekuestruar dëshmitë:

Veturë Mercedes AMG,

Një librezë e veturës ,

Kontratë mbi shitblerjen e veturës LAND ROVER,

çelës ngjyrë e zezë me te bronztë për ndezjen e automjetit Mercedes.

Aksioni “Brezovica” ka nisur në dhjetor të vitit 2021, në njërin nga këto aksione ishte arrestuar edhe ish-kryetarit të Shtërpcës Bratisllav Nikoliq. Sipas Prokurorisë Themelore të Ferizajt, Nikoliq dyshohej se kishte pranuar ryshfet dhe dhurata me qëllim të lëshimit të lejeve ndërtimore në Parkun Kombëtar “Sharri”, në vikend-zonën e Brezovicës.

Prokurori Rasim Maloku kishte deklaruar se dyshohej që ish-kryetari i Shtërpcës, Bratislav Nikoliq,  ka përfituar mbi 1 milion euro jashtëligjshëm.

Gjatë realizomit të këtyre aksioneve bastisje ka pasur edhe në Ministrinë e Mjedisiti, Planifikimit Hapësinor dhe Infrastrukturës.