Himnin që e injoroi Visar Ymeri, e kishte nderuar garda e Rusisë (Foto)

Injorimi i himnit të Kosovës nga lideri i Vetëvendosjes, Visar Ymeri dhe nga deputetja e kësaj partie, Donika Kadaj-Bujupi ka shkaktuar reagime të shumta.

Analistë dhe qytetarë duke shfrytëzuar rrjetet sociale kanë shprehur indinjatën e thellë me veprimet e kësaj partie, duke i cilësuar si mjaft të ulëta, raporton lajmi.net.

Ata kanë përmendur rastet kur himni dhe flamuri i Kosovës, u nderuan edhe nga shtetet armike duke folur me theks të veçantë për Rusinë.

Ndodhi kjo në vitin e kaluar kur Majlinda Kelmendi fitoi medaljen e artë në xhudo, gjatë Kampionatit Evropian të zhvilluar në Rusi.

Pasi krenaria kosovare triumfoi, himni dhe flamuri i Kosovës u lartësuan nga ushtria ruse, shtet i cili njihet për qëndrimin kategorik kundër Kosovës.

Flamuri dhe himni kosovar u lartësuan edhe në Lojërat Olimpike Rio 2016, duke lënë prapa flamujt e shteteve shumë më të fuqishme si Rusia, Japonia e Italia.

Përkundër gjithë këtyre reagimeve, zyrtarë nga Lëvizja Vetëvendosje e shfrytëzuan këtë çështje për të bërë ironi… /Lajmi.net/

Bëje LIKE faqen PodujevaPRESS për tu njohur me lajmet e fundit:KLIKO KËTU