LDK në Podujevë zgjodhi kryetaren e Forumit të Gruas

Kryetari i degës së LDK-së në Podujevë, Ekrem Hyseni, ka njoftuar se pas një procesi zgjedhor në strukturat tona, me një kuvend solemn, delegatet e degës zgjodhën për kryetare të Forumit të Gruas, Fatlume Jahën, kandidate për doktoratë, veprimtare e dalluar e LDK-së tash e një dekadë, transmeton PodujevaPress.

Hyseni ka thënë se “ishim të nderuar me prezencën e ekipës nga qendra, nënkryetarës Shqipe Mjekiqi dhe profesoreshës, Jehona Lushaku, bashkë me të cilat shprehëm falenderim dhe mirënjohje për kryetaren, Florie Besholli – Abazi dhe strukturat e deritashme.

Hyseni po ashtu ka thënë se me rastin e zgjedhjes time kryetar i Degës, jam zotuar se LDK do ta vlerësojë kontributin e gjithësecilit, por duke qenë e hapur për kuadro të reja, profesionistë të dëshmuar, njerëz të mirë të këtij vendi të cilët duan që kontributin për vendin ta japin përmes LDK-së.

Uroj të gjithë të zgjedhurat sot, do të punojmë bashkë për LDK-në, Llapin dhe Kosovēn!

Na priftë e mbara, ka përfunduar Hyseni.