Rotary Club Podujeva ndihmon tre nxënës të shkollës fillore “Naim Frashëri”

Drejtoria e Shkollës Fillore “Naim Frashëri” në Podujevë njofton se kanë arritur një marrëveshje bashkëpunimi në mes shkollës (të koordinuar me Drejtorin komunale të Arsimit), “HANDIKOS” dhe “Rotary Club Podujeva” për organizimin e transportit Shtëpi-Shkollë-Shtëpi për tre nxënësë me nevoja të veçanta, transmeton PodujevaPRESS.net

Ky është njoftimi i shkollës:

MARRËVESHJE BASHKËPUNIMI

Sonte, në mungesë të drejtorit Besnik Uka, por me përfaqësim të denjë të zëvendësdrejtorit Milaim Hodolli të shoqëruar nga prof.Irfan Hoti dhe mësues Bahridin Qerimi, u arritë marrëveshja e bashkëpunimit në mes shkollës sonë (të koordinuar me DKA-në), Organizatës Jo-Qeveritare “HANDIKOS” dhe OJQ-së “Rotary Club Podujeva” për organizimin e transportit Shtëpi-Shkollë-Shtëpi për tre nxënësit tanë të dashur me aftësi të kufizuar.

Tani e tutje këtyre nxënësve do t’ju shkoj automjeti transportues për ti marrë para derës së shtëpisë, i cili do ti sjellë në shkollë dhe do ti kthej përsëri në shtëpi, çdo ditë mësimi.

Drejtoria e shkollës, e falënderon “Rotary Club Podujeva” në krye me kryetarin e saj z.Shefki Selmani për bashkëpunimin!