Lehtësimi i masave: Ditën mund të grumbullohen deri në 100 persona, kurse natën vetëm 10

Qeveria e Kosovës ka miratuar masat e reja anti-Covid në Kosovë.

Prej të hënës në ambiente të hapura mund të grumbullohen deri në 100 persona, por duke e respektuar distancën.

“Lejohen grumbullimet në ambiente të hapura deri në njëqind (100) persona me kusht që të mbahet distanca fizike mbi 1.5 metër në mes të personave”, thuhet në vendim.

Grumbullimet në ambiente të jashtme me interes të veçantë publik me mbi njëqind (100) persona kërkojnë miratimin nga Ministria e Shëndetësisë/Qendra Operative Emergjente, me rekomandim të IKShPK-së.

Kurse nga ora 00:00 deri në orën 05:00, ndalohet grumbullimi i më shumë se dhjetë (10) personave.