Ja çfarë do të bëjë Oda e Mjekëve pasi u arrestua mjeku në Podujevë

Oda e Mjekëve të Kosovës ka paralajmëruara ankesë në Këshillin Prokurorial në lidhje me arrestimin e mjekut në Podujevë, për mos-dhënie të shërbimeve mjekësore.

Nënkryetari i OMK-së, Naser Gjonbalaj, në një intervistë për lajmi.net derisa ka folur për vështirësitë me të cilat përballen mjekët, e ka cilësuar shqetësuese sulmin ndaj mjekut dhe arrestimin e tij.

“Siç ishin raportimet e fundit për arrestimin e një mjeku dhe sulmi fizik që i është bërë stafit të pulmologjisë. U bë virale në media që mjeku nuk dha shërbime e pas orarit të punës, megjithatë Prokuroria mori masa të tejskajshme. Por, rasti që ka ndodhur në Klinikën e Pulmologjisë i’u ka ofru shërbimi dhe është sulmu mjeku dhe infermieri. Në këtë rast Porkuroria ka marrë në procedurë të rregullt, për mjekun vetëm  për mos ofrimin e një shërbimi në një kabinet, ku shërbimet tjera në kabinat tjera jepeshin, e që mund ta merrte pa problem në emergjencë. Pra, shkoi deri tek arrestimi dhe mbajtja e tij 24 orë. Kjo është shqetësuese”, ka thënë ai.

Ai, ka thënë se OMK-ja do të ankohet për shkelje të kodit të etikës së prokurorit.

“Ne kemi shfrytëzuar dhe do ta shfrytëzojmë gjithë hapësirën ligjore që kemi mundësi. Do të ankohemi në Këshillin Prokurorial për shkeljen e kodit të etikës të prokurorit. Megjithatë, kjo mbetet në ditët në vijim, sa të përpilohen dhe të shihen të gjitha normat ligjore”, ka thënë ai.

Ai, ka bërë të ditur se në OMK ka raportime  të paciëntëve në lidhje me sjelljet e mjekëve, por edhe raportime të mjekëve për mjekët, derisa nuk ka treguar për numrine  këtyre rasteve, duke thënë se duhet të ruhet konfidencialiteti/Lajmi.net/