Bizneset nuk punojnë të dielën në Podujevë, nesër mbahet debat publik për këtë

Të hënën debat publik për Propozim Rregulloren për ndryshimin dhe plotësimin e Rregullores për orarin e punës për bizneset që operojnë në territorin e Komunës së Podujevës, njofton zyra për informim e kësaj komune, transmeton PodujevaPRESS.net

Njoftojmë qytetarët se më 22 mars 2021 (e hënë) në orën 10:00 në sallën e mbledhjeve të Kuvendit në ndërtesën e re të Komunës. mbahet debati publik me qytetarë të mbahet për Propozim Rregullorjen për ndryshimin dhe plotësimin e Rregullores për orarin e punës për bizneset që operojnë në territorin e Komunës së Podujevës.

Kuvendi i Komunës së Podujevës në mbledhjen e mbajtur më 10.03.2021 miratoi vendimin për vënie në diskutim publik Propozim Rregulloren për ndryshimin dhe plotësimin e Rregullores për orarin e punës për bizneset që operojnë në territorin e Komunës së Podujevës.

Në kuadër të vendimit, përkatësisht diskutimit/debatit publik të përfshihet në tërësi edhe Rregullorja bazë për orarin e punës për bizneset që operojnë në territorin e Komunës së Podujevës, për të cilën po ashtu mund të jepen propozime, sugjerime dhe vërejtje eventuale për plotësim ndryshim e saj.

Diskutimi publik zgjatë 30 ditë, përkatësisht nga data 15 mars 2021 deri më 15 prill 2021.

Propozimet dhe sugjerimet lidhur më këtë propozim rregullore mund të bëhen në ditën e debatit publik, por edhe gjatë periudhës së vënies në diskutim publik mund të dorëzohen në Zyrën për Informim dhe Komunikim me Publikun, ose përmes postës

elektronike në këto e-mail adresa: nazmi.elezi@rks-gov.net  dhe ejup.babatinca@rks-gov.net