Dyshohet për djegie të veturës së Mefail Bajqinovcit, policia jep detaje

Para pak minutash dyshohet se është djegur vetura e deputetit të Vetevendosjes, Mefail Bajqinovci.

Rastin e ka konfirmuar, zëdhënësi i Policisë së Kosovës, Agron Borovci.

“Rreth orës 19:00 është raportuar për një veturë me targë Kosove të përfshirë nga zjarri në lagjen Arbëria në Prishtinë.

Nga zjarri është prekur edhe një veturë afër veturës që kishte marrë flakë. Policia menjëherë ka dalë në vendin e ngjarjes, po ashtu edhe zjarrfikësit të cilët e kanë menaxhuar  përhapjen e zjarrit.

Aktualisht policia ka nisur me ndërmarrjen e veprimeve që konsistojnë në zbardhjen e rrethanave të ngjarjes”, ka thënë Borovci.