Podujeva del nga zona e kuqe, hiqet ora policore

Ministri i Shëndetësisë, Armend Zemaj, përmes një postimi ka treguar se tashmë është bërë kategorizimi i ri i komunave.

Në “Zonën e kuqe” janë vetëm 6 komuna: Prishtina, Fushë-Kosova, Mitrovica e Veriut, Zveçani, Zubin-Potoku dhe Leposaviqi, transmeton Indeksonline.

Kurse në “Zonën e verdhë”, po ashtu janë vetëm 6 komuna: Mitrovica e Jugut, Graçanica, Obiliqi, Podujeva, Juniku dhe Gjilani.

Ndërsa në “Zonën e gjerlbër” janë 26 komuna: Kllokoti, Lipjani, Gjakova, Kamenica, Ferizaj, Vushtrria, Peja, Drenasi, Skënderaj, Istogu, Deçani, Shtërpca, Klina, Shtimja Novobërda, Vitia, Prizreni, Suhareka, Kaçaniku, Rahoveci, Malisheva, Hani i Elezit, Dragashi, Mamusha, Parteshi dhe Ranillugu.

Postimi i plotë i Armend Zemajt:

Të nderuar qytetarë, Duke ju uruar një vit sa më të mbarë për juve dhe familjet tuaja, ju falënderoj për festime dinjitoze që keni bërë mbrëmë. Ruajtja e shëndetit të gjithsecili prej juve dhe atij publik, është obligim sa moral po aq edhe ligjor, andaj do të jemi bashkë edhe më tej, për një sistem sa më të mirë shëndetësor dhe për fitore të luftës kundër pandemisë. E deri te fitorja na duhet ende t’i kemi masat në fuqi dhe kategorizim të komunave në bazë të numrit të të infektuarve gjatë javës, për 100.000 banorë. Edhe këtë javë kemi ndryshim në kategorizim të zonave, kemi trend të uljes së infeksionit dhe jemi bashkë të përkushtuar që në vazhdimësi të punojmë.

Nga sot e deri më 8 janar, në “Zonën e kuqe”, janë 6 vetëm komuna: Prishtina, Fushë-Kosova, Mitrovica e Veriut, Zveçani, Zubin-Potoku dhe Leposaviqi.

Në “Zonën e verdhë”, janë po ashtu 6 komuna: Mitrovica e Jugut, Graçanica, Obiliqi, Podujevaa, Juniku dhe Gjilani.

Ndërsa, në Zonën e gjelbër”, janë 26 komuna: Kllokoti, Lipjani, Gjakova, Kamenica, Ferizaj, Vushtrria, Peja, Drenasi, Skënderaj, Istogu, Deçani, Shtërpca, Klina, Shtimja, Novobërda, Vitia, Prizreni, Suhareka, Kaçaniku, Rahoveci, Malisheva, Hani i Elezit, Dragashi, Mamusha, Parteshi dhe Ranillugu.

Lakorja e infeksionit është në rënie, andaj të vazhdojmë edhe më tej me respektim të masave dhe mbikëqyrje nga institucionet relevante. Qoftë një vit i mbarë për juve dhe familjet tuaja, vetëm bashkë mund t’ia dalim!