Asambleistja më e votuar e LDK-së i bashkohet Vetëvendosjes

Asamleistja e Lidhjes Demokratike të Kosovës në Komunën e Ferizajt, Yllkë Neziri i është bashkuar sot Lëvizjes Vetëvendosje.

Kështu ka bërë të ditur kryetari i partisë, Albin Kurti përmes një postimi në llogarinë e tij në Facebook.

“Asambleistja më e votuar e LDK-së në Komunën e Ferizajt, Yllkë Neziri, sot na u bashkua në Lëvizjen VETËVENDOSJE!.Yllka rrjedh nga një familje intelektualësh, ka gradën Bachelor në drejtimin Banka, Financa dhe Kontabilitet, dhe Master në po të njëjtin drejtim.Ajo ka përvojë si financiere dhe në fushën e kontabilitetit në sektorin privat, aktualisht mban pozitën e Financieres në KRM Pastërtia Sh.A. Ajo po ashtu është anëtare e Komisionit për Buxhet dhe Financa në Kuvendin Komunal të Ferizajt, dhe tani e tutje do të jetë një vlerë e shtuar në grupin e asambleistëve të Lëvizjes në Ferizaj”, ka shkruar Kurti.