Përleshen tetë të mitur në Podujevë, një dërgohet në mbajtje

Tetë të mitur janë përleshur mes vete, të enjten në Podujevë, prej së cilës dy pësuan lëndime trupore.

Sipas njoftimit të PK-së, pesë persona janë arrestuar ndërsa një është dërguar në mbajtje prej tyre pas intervistimit në polici.

“Raportohet për një përleshje fizike në mes të tetë personave meshkuj kosovarë (të mitur). Si pasojë e përleshjes dy prej tyre kanë pësuar lëndime trupore dhe kanë pranuar tretman mjekësor. Lidhur me rastin janë arrestuar pesë të dyshuar dhe pas intervistimit me vendim të prokurorit një dërgohet në mbajtje ndërsa të tjerët lirohen në procedurë të rregullt”, njofton PK.