Kryeministri Hoti: Për pak orë shkarkon tre drejtorë të institucioneve më të larta në vend

Kryeministri i Republikës së Kosovës, Avdulah Hoti brenda 4 orëve ka shkarkuar tre drejtorë të disa nga institucioneve më të rënëdishme në vend; atë të Policisë, të Doganës dhe ATK’së, shkruan Gazeta Metro.

Të parin gjatë ditës së stome e shkarkoi Reshat Qelajn, drejtorin e Policisë së Kosovës, duke e caktuar ushtrues detyre Samedin Mehmetin.

Zyra e kryeministrit të Kosovës, ka njoftuar se Hoti shkarkoi sot nga detyra, drejtorin e Policisë së Kosovës, Rashit Qalajn.

“Në përputhje me kompetencat ligjore dhe bazuar në raportin e performancës për drejtorin e Policisë së Kosovës, sot Kryeministri i Republikës së Kosovës, Avdullah Hoti ka liruar nga detyra Rashit Qalaj, nga pozita e Drejtorit të Përgjithshëm të Policisë së Kosovës”, njofton kryeministria.

Ndërsa, pas Qalajt, Kryeminsitrit Hoti liroi nga detyra edhe drejtorët e Doganës dhe të ATK’së, duke caktuar menjëherë ushtruesit e detyrave të tyre.

Zyra e kryeministrit njoftoi se në përputhje me kompetencat ligjore dhe bazuar në rekomandimet e Ministres së Financave, sot Kryeministri i Republikës së Kosovës, z. Avdullah Hoti, ka marrë vendim për t’i liruar nga detyra ushtruesin e detyrës së Drejtorit të Përgjithshëm të Doganës të Kosovës dhe Drejtorin e Përgjithshëm të Administratës Tatimore të Kosovës.

Në përputhje me ligjet përkatëse në fuqi, Kryeministri Hoti ka emëruar z. Bajram Rexha, ushtrues detyre i Drejtorit të Përgjithshëm të Doganës të Kosovës, dhe z. Ekrem Hysenaj ushtrues detyre i Drejtorit të Përgjithshëm të Administratës së Kosovës.

Kujtojmë, që ‘operacione’ të tilla, ishin të ngjashme edhe në qeverisjen e kaluar në krye me Albin Kurti, i cili mori kritika të shumëta edhe nga zyrtarët e LDK’së, parti kjo e cila ishte ne koalicion me Vetëvendosjen aso kohe.