Haradinaj për Memorialin: Shpejt do vi ta shoh sa hije i ka Zahirit me shokë

Ramush Haradinaj, lider i AAK-së, ka thënë se së shpejti do të jetë afër Memorialit  të Zahirit për ta parë atë dhe shokët e tij.

Haradinaj është shprehur se Zahiri me Edmondin e Hakifin bashkë me mijëra dëshmorë, janë pengu i lirë që askush nuk mund t`ia marrë Kosovës, përcjellë Indeksonline.

Lexoni statusin e tij të plotë:

Sot u rivarrosën eshtrat e një luftetari të madh, aty në vendin e lavdisë, në Memorialin e Zahirit, që do të jetë strehë lavdie edhe për luftetarë të tjerë!

E nisa vet idenë e ndërtimit të këtij memoriali dhe shpejt do të jem aty, për ta parë sa hije i ka Zahirit me shokë!

Sa të jetë jeta, në nderim të të rënëve për liri, të cilën po na e rrezikojnë prapë!

Zahiri, Edmondi, Hakifi, por edhe mijëra të tjerë heronj e dëshmorë, janë pengu i kësaj lirie që nuk na e marrin dot!

Ndryshe, Haradinaj nesër pritet të dalë para gjykatës së Colmarit. Ai është duke qëndruar në Francë që kur u ndal nga autoritetet franceze më 4 janar të këtij viti./Indeksonline/