Vdes mamia llapjane Sanije Topanica, iu ndihmoi grave në lindje gjatë luftës
Ali Ahmeti shuplakë Edi Ramës, refuzon takimin?
Lideri i Bashkimit Demokratik për Integrim Ali Ahmeti ka refuzuar takimin e kërkuar nga Kryeministri i Shqipërisë Edi Rama me krerët e partive shqiptare në Maqedoni, shkruan portali almakos.com
Mediat në Maqedoni njoftuan se Kryeministri i Shqipërisë, Edi Rama, ka ftuar në takim në Tiranë liderët e katër partive politike shqiptare dhe dje ka takuar liderin e Lëvizjes Besa, Bilall Kasami dhe liderin e LR-PDSH-së, Ziadin Sela, ndërsa sot pritej të takonte edhe kryetarët e BDI-së, Ali Ahmeti dhe atë të PDSH-së, Menduh Thaçi.
Kishte edhe informata nga burime të ndryshme se Rama për sot kishte paraparë një takim të përbashkët me të katër liderët e partive që fituan vende në Parlamentin e Maqedonisë pas zgjedhjeve të 11 dhjetorit.
Dje Rama, pas takimit me krerët e partive politike në Maqedoni, tha: “Meqë Maqedonia është në përfundim të një procesi zgjedhor, shqiptarët duhet të përfitojnë nga ky rast për t’i përgëzuar të gjithë të zgjedhurit pa përjashtim, por ata shqiptarë në mënyrë të veçantë, se ata do të gjejnë forcën të çojnë një agjendë përpara për të bashkëjetuar demokratisht me maqedonasit, për ta rivendosur në agjendat e tyre paritake Marrëveshjen e Ohrit, si emërues i përbashkët dhe të kërkojnë me një zë që programi i Qeverisë së re të futet në kornizën e Marrëveshjes së Ohrit.
Partitë shqiptare në Maqedoni nuk janë të detyruara të pajtohen me gjithçka, por janë të imponuara nga interesi i shqiptarëve, që të flasin me një zë për të vetmen gjë që nuk mund të ndahen”./PodujevaPress/
