Vdes mamia llapjane Sanije Topanica, iu ndihmoi grave në lindje gjatë luftës
Ambasadorët e SHBA dhe të Rusisë shkëmbejnë akuza të rënda për shtetet e njëri-tjetrit
Në seancën e Këshillit të Sigurimit të OKB-së mbi situatën në Siri ka ndodhur një konfrontim verbal mes ambasadori rus, Vitali Churkin, dhe përfaqësueses amerikane, Samantha Power.
Ambasadorja amerikane në Kombet e Bashkuara, Samantha Power, akuzoi drejtpërdrejt presidentin sirian Bashar Assad dhe aleatët e tij rusë dhe iranianë, gjatë një takimi të Këshillit të Sigurimit të OKB-së të martën, me një adresim të ashpër.
“Për regjimin e Assad, Rusinë dhe Iranin, forcat tuaja janë duke i kryer këto krime. Bombat tuaja, mortajat dhe sulmet ajrore kanë mundësuar milicinë në Aleppo që të rrethohen dhjetëra mijëra civilë në një lak shtrëngues”, tha Power, raporton Gazeta “Express”.
Takimi i Këshillit të Sigurimit të OKB-së u thirr pas raporteve se forcat pro-qeveritare siriane, në prag të rimarrjes së plotës të qytetit Aleppo nga luftëtarët e opozitës, pas një muaji të bombardimeve intensive dhe një ofensive të egër, kishin ekzekutuan dhjetëra civilë derisa ata po zhvendoseshin në zonat e kontrolluara nga rebelët të hënën.
“A ka bukvalisht diçka që mund t’ju bëjë vërtet me turp?”, tha Power. “A nuk është ndonjë akt i barbarisë ndaj civilëve, ekzekutimi i një fëmije, që ju rrënqethë? A ka ndonjë gjë që ju nuk do të gënjeni apo justifikoni?”, pyeti ajo.
“Kujtoni rezultatet e vendit tuaj përpara se të filloni të thoni mendimin nga pozita e moralit apo çdo lloj tjetër të superioritetit. Historia dhe Zoti do të na gjykojë se kush është fajtor për dhe për çka”, është përgjigjur ambasadori rus Churkin, raporton agjensia Tass./PodujevaPress/
