Shpejtim Bulliqi përkujton ish-kryetarin e Podujevës Agim Kikaj
Haradinaj paralajmëron vizitë në Mal të Zi, dhe ftesë për Zaevin në Prishtinë
Kryeministri i Kosovës, Ramush Haradinaj, ka dhënë arsyet pse nuk do të shkojë nesër në Shkup, ku do të mbahet Samiti 100, pjesëmarrës në të cilin pritet të jenë edhe kryeministra të vendeve të Ballkanit Peërndimor, përfshirë atë të Malit të Zi. Ndërkaq, shefi i ekzekutivit kosovar ka paralajmëruar se do të realizojë një vizitë zyrtare në Malin e Zi, në një të ardhme të afërt.
Ramush Haradinaj, “për shkak të agjendës së paracaktuar në Kosovë, nuk do të mund të marrë pjesë në Samitin 100, në Shkup, të hënën”, ka bërë të ditur Qeveria e Kosovës, nëpërmjet një komunikate.
“Pra, mosshkuarja në Shkup e kryeministrit Haradinaj nuk ka të bëjë asgjë me atë se kinse ai nuk dëshiron ta takojë kryeministrin e Malit të Zi”, thuhet në njoftimin e Qeverisë.
Kabineti i Haradinajt po ashtu ka njoftuar se kryeministri kosovar “do t’i bëjë ftesë zyrtare për ta vizituar Kosovën kryeministrit maqedonas, Zoran Zaev”.
Po ashtu, sipas njoftimit, “ai do ta vizitojë Shkupin në një të ardhme, porse nuk e përjashton mundësinë e vizitës edhe në Podgoricë”.
“Ndërkaq, nesër kryeministri kosovar nuk udhëton në Shkup për shkak të prioriteteve qeveritare në Kosovë”, bën të ditur komunikata nga Qeveria. /Express/