Rrahje mes dy familjeve në Barilevë për shkak të borxhit, arrestohen pesë
Kaq miliardë planifikon Erdogan t’i investojë në Serbi
Duke filluar që nga sonte në mbrëmje, plot 3 ditë do të qëndrojë Presidenti i Turqisë, Rexhep Tayyip Erdogan, në Serbi.
Madje si rrallëherë Erdoganin do ta shoqërojnë edhe 158 biznesmenë turq për të biseduar me Serbinë për tregti, nga e cila do të pasojnë investime marramendëse turke për zhvillimin e Serbisë. Mësohet se qëllimi i tyre është të arrijnë shifrën tregtare në 1 miliard dollarë, shkruan Albeu.com.
Presidenti turk Erdogan do të nisë sot një vizitë treditore në Serbi, gjatë сë cilës do të takohet me homologun e tij Aleksander Vuçiq.
Ndërkaq, para disa ditësh edhe Presidenti i Serbisë, Aleksandër Vuçiq është shprehur për mediet serbe se të dy palët tregtinë duhet ta çojnë në 1 miliard dollarë.
Vuçiçi ka thënë se në vitin 2016 tregtia ndërmjet këtyre dy shteteve ishte 800 milionë dollarë ndërsa në 6 muajt e parë të këtij viti ka arritur në 539 milionë dollarë. Ai më tej ka theksuar se do t’u bëjë thirrje biznesmenëve turq që të investojnë më tepër në shtetin e tij, shkruan Abeu.com.
Sipas një njoftimi të zyrës së shtypit të presidencës turke, Erdogan do të zhvillojë takime bilaterale dhe takime te zgjeruara me Vuçiqin dhe do të nënshkruajë një sërë marrëveshjesh.
Gjatë vizitës do të zhvillohet edhe forumi i biznesit Turqi-Serbi. Sipas zyrtareve presidenti Erdogan do të shqyrtojë mundësitë e bashkëpunimit ekonomik mes dy vendeve.
Sipas deklaratës së presidencës turke vizita e Erdogan do të shënoje një zhvillim domethënës që do të forcojë marrëdhëniet bilaterale në dobi të të gjithë rajonit. Vizita bëhet me ftese të Presidentit serb Vuçiq.
Erdogan do të vizitojë edhe Novi Pazarin, një qytet i Serbisë me shumicë myslimane në jug të vendit.
Gjithashtu, raportohet se përveç masave të larta të sigurisë që ai posedon nga shteti i tij, në shërbim të sigurisë së tij do të jenë edhe 3 mijë policë serb shtesë.
Ndërkohë shteti turk ditë më parë ka dërguar ekipet e njerëzve si pararendës, të cilat kanë për detyrë të kontrollojnë çdo vend dhe rrugë ku do të kalojë presidenti turk.
“Forcat Speciale turke janë ndihmë e madhe dhe do të jenë ndihmë e madhe për mijëra kolegë serbë. Në këtë punë do të përfshihen edhe SAJ, Xhandarmëria, Kobra si dhe Drejtoria e Sigurisë dhe Ministria e Brendshme”, thuhet në raportin e medieve serbe.
Presidenti serb Vuçiq vizitoi Turqinë në korrik, gjatë kongresit botëror të naftës./Express/