Kjo është gjendja e rrugëve të qytetit (foto)

Sot, kompania “Vaakal” e kontraktuar nga komuna e Podujevës pothuajse të gjitha rrugët e qytetit i ka pastruar me kohë nga bora. Rrugët e qytetit janë të gjitha të kalueshme, ndërsa janë me ngrica si pasojë e reshjeve të pandërprera dhe temperaturave të ulëta, shkruan PodujevaPRESS.

Gjendja e trotuareve mbetet jo e mirë, shkak mund të jenë hapësirat e ngushta dhe parkimi i veturave vend e pa vend e po ashtu edhe sasia e madhe e borës.

Ndërsa gjendja e rrugëve të fshatrave mbetet e keqe për shkak të territorit të gjerë të komunës dhe numrit të madh të fshatrave dhe lagjeve. Komuna ka bërë me dije që është e pamundur të intervenohet në të njëjtën kohë në 78 fshatra sa ka Podujeva./ PodujevaPRESS/